8. nóvember 2024 /
Menningar-٫ nýsköpunar- og háskólaráðuneytið

Dagur íslenskrar tungu: Hátíðardagskrá í Eddu 16. nóvember

Nýtt myndmerki dags íslenskrar tungu er teiknað af Auði Ýr Elísabetardóttur listakonu.
Nýtt myndmerki dags íslenskrar tungu er teiknað af Auði Ýr Elísabetardóttur listakonu.

Dagur íslenskrar tungu verður haldinn hátíðlegur laugardaginn 16. nóvember í 29. sinn. Dagskráin er einstaklega hátíðleg í ár þar sem glæsileg handritasýning verður opnuð í Eddu á degi íslenskunnar og í kjölfarið verða verðlaun Jónasar Hallgrímssonar veitt. Fjölbreyttir viðburðir verða í boði alla vikuna líkt og sjá má á dagskrá hér að neðan. 

Markmið dags íslenskrar tungu er að minna á mikilvægi íslenskrar tungu og gleðjast og fagna sögu hennar, samtíð og framtíð. Dagurinn er haldinn hátíðlegur á fæðingardegi Jónasar Hallgrímssonar, 16. nóvember ár hvert. Þann dag eru árlega veittar viðurkenningar og verðlaun fyrir störf í þágu íslensks máls og efnt til margvíslegra menningarviðburða.

Var efnið hjálplegt?