Efnisorð
Tegund

Leita eftir efnisorðum

Sýnir 5851–5900 af 13117
Raða eftir:
27. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 373/2019 - Úrskurður

Greiðsluþátttaka í heilbrigðisþjónustu. Staðfest ákvörðun Sjúkratrygginga Íslands um að synja kæranda um greiðsluþátttöku vegna læknismeðferðar erlendis. Úrskurðarnefnd velferðarmála taldi að skilyrði 1. málsl. 1. mgr. 23. gr. laga um sjúkratryggingar, um að ekki sé unnt að veita nauðsynlega aðstoð hér á landi, væru ekki uppfyllt í tilviki kæranda.

27. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 357/2019 - Úrskurður

Greiðsluþátttaka í heilbrigðisþjónustu. Staðfest ákvörðun Sjúkratrygginga Íslands um að synja umsókn kæranda um greiðsluþátttöku í kostnaði vegna eggheimtu og frystingar eggfruma. Að mati úrskurðarnefndar voru skilyrði fyrir greiðsluþátttöku ekki uppfyllt í tilviki kæranda þar sem ófrjósemisvandamál kæranda félli ekki undir a-lið 3. tölul. 3. mgr. 3. gr. reglugerðar nr. 1239/2018.

20. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 340/2019 - Úrskurður

Örorkumat. Staðfest ákvörðun Tryggingastofnunar ríkisins um að synja kæranda um örorkulífeyri og tengdar greiðslur. Skilyrði 75% örorku samkvæmt örorkustaðli ekki uppfyllt. Felld úr gildi ákvörðun stofnunarinnar að synja kæranda um örorkustyrk. Fallist á að skilyrði örorkustyrks væru uppfyllt og málinu heimvísað til ákvörðunar á tímalengd örorkustyrks.

13. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 351/2019 - Úrskurður

Felld úr gildi ákvörðun Sjúkratrygginga Íslands um synjun bóta úr sjúklingatryggingu. Úrskurðarnefndin taldi að rannsókn og meðferð hafi ekki verið hagað eins vel og unnt hefði verið og í samræmi við þekkingu og reynslu á viðkomandi sviði í tilfelli kæranda. Bótaskylda væri því fyrir hendi á grundvelli 2. gr. laga um sjúklingatryggingu.

13. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Nr. 97/2019 - Úrskurður

Örorkubætur. Felld úr gildi ákvörðun Tryggingastofnunar ríkisins um að synja kæranda um örorkulífeyrisgreiðslur á þeim grundvelli að skilyrði um búsetu samkvæmt 18. gr. laga um almannatryggingar væru ekki uppfyllt. Úrskurðarnefndin taldi að starfsgeta kæranda hefði verið óskert við flutning til landsins og því væru búsetuskilyrði uppfyllt. Einnig var felld úr gildi ákvörðun Tryggingastofnunar ríkisins að synja kæranda um upplýsingar um nöfn starfsmanna stofnunarinnar á þeim grundvelli að það sé hlutverk yfirmanna stofnunarinnar að tryggja hæfi starfsfólks. Að mati úrskurðarnefndarinnar sé meginreglan sú að aðili máls eigi rétt á gögnum sem mál hans varði, sbr. 1. málsl. 1. mgr. 15. gr. stjórnsýslulaga. Málinu var heimvísað til nýrrar meðferðar.

13. nóv. 2019Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 343/2019 - Úrskurður

Hjálpartækjastyrkur. Staðfest ákvörðun Sjúkratrygginga Íslands um að synja umsókn kæranda um styrk til kaupa á skóinnleggi. Úrskurðarnefnd velferðarmála taldi að tilvik kæranda félli ekki undir neitt af þeim tilefnum sem tilgreind eru í fylgiskjali með reglugerð nr. 1155/2013 um styrki vegna hjálpartækja sbr. 1. mgr. 26. gr. laga um sjúkratryggingar.