Efnisorð
Tegund

Leita eftir efnisorðum

Sýnir 7551–7600 af 9889
Raða eftir:
18. jún. 2017Dómsmálaráðuneytið, Ræður og greinar

Löggæsla á tímamótum - grein í Morgunblaðinu 18. júní

Störf lögreglu hafa breyst mjög undanfarinn áratug. Sú sérstaða sem lögreglan hefur haft í störfum sínum í samanburði við lögreglu erlendis hefur smám saman verið að minnka. Verkefni sem fyrir nokkrum árum heyrði til undantekninga að rötuðu inn á borð lögreglu eru sum orðin hluti af daglegri löggæslu. Mest áberandi breytingin var án efa í kjölfar bankahrunsins þegar fjöldamótmæli kölluðu á löggæslu af öðru tagi en áður þekktist. Engum duldist að álag á almenna lögregluþjóna var mikið og að menn væru að fóta sig í nýjum aðstæðum. Lögreglu fór verkið vel úr hendi, hún las í aðstæður og átti að mínu mati stóran þátt í því að mótmælin leiddu ekki til upplausnar.

15. jún. 2017Dómsmálaráðuneytið, Ræður og greinar

Grein dómsmálaráðherra í Ferðafélagann - ferðahandbók Íþróttafélags lögreglumanna

Kæru ferðafélagar Þegar daga fer að lengja og sólin að skína bregst ekki að landsmenn grípur brennandi ferðalöngun. Hvort sem löngunin leiðir til stuttra dagsferða út fyrir bæjarmörkin eða í lengri bílferðir út á land með tjald í skottinu eða hjólhýsi í eftirdragi, eigum við það sammerkt að vilja upplifa og finna fyrir náttúrunni þegar birta tekur. Það er ekki bara bíllinn sem heillar því hjól, hestar eða tveir jafnfljótir leiða okkur á sama stað – frá amstri hversdagsins í endurnærandi náttúruna. Kannski er það langur og oft harkalegur veturinn sem kveikir þennan ferðaneista en hvaðan sem hann kemur ber að taka honum fagnandi og njóta útiveru, samveru og ósnortinnar náttúrunnar til hins ítrasta.