Efnisorð
Tegund

Leita eftir efnisorðum

Sýnir 101–150 af 176
Raða eftir:
22. des. 2021Fjármála- og efnahagsráðuneytið, Almannatryggingar og lífeyrir

Tillögur Félags íslenskra tryggingastærðfræðinga um breytingar á forsendum reiknigrunns um lífslíkur staðfestar

Í 14. gr. reglugerðar um skyldutryggingu lífeyrisréttinda og starfsemi lífeyrissjóða, nr. 391/1998, er kveðið á um að við mat á dánar- og lífslíkum skuli nota nýjustu dánar- og eftirlifendatöflur, sem útgefnar eru af ráðherra að fengnum tillögum Félags íslenskra tryggingastærðfræðinga.

30. jún. 2020Heilbrigðisráðuneytið, Líf og heilsa, Almannatryggingar og lífeyrir

Breyting á lögum um sjúkratryggingar samþykkt á Alþingi

Breytingar verða á stjórn og eftirlitsheimildum Sjúkratrygginga Íslands með breytingum á lögum um sjúkratryggingar en frumvarp heilbrigðisráðherra þess efnis var samþykkt á Alþingi í gær. Lögin öðlast þegar gildi. Heimildir stofnunarinnar til eftirlits verða efldar. Einnig er sú breyting gerð að stjórnin hefur ekki lengur það lögbundna hlutverk gera tillögu til ráðherra um skipun forstjóra.

29. jan. 2020Heilbrigðisráðuneytið, Heilbrigðismál, Líf og heilsa, Almannatryggingar og lífeyrir

Tillögur að breytingum á lögum um slysatryggingar almannatrygginga

Slysahugtak gildandi laga verður rýmkað, skýrt kveðið á um að tryggingavernd laganna nái einnig til bótaskyldra atvinnusjúkdóma og bætt við nýrri lagagrein þar sem atvinnusjúkdómar verða í fyrsta skipti skilgreindir í íslenskum lögum. Þetta eru meðal mikilvægra réttarbóta sem starfshópur á vegum heilbrigðisráðherra sem unnið hefur að endurskoðun laga um slysatryggingar almannatrygginga leggur til að verði gerðar. Hópurinn hefur skilað ráðherra skýrslu með tillögum sínum.

10. maí 2019Félags- og húsnæðismálaráðuneytið, Almannatryggingar og lífeyrir

Skýrsla um nýtt greiðslukerfi vegna skertrar starfsgetu – dregið úr skerðingum og hlutastörfum fjölgað

Ásmundur Einar Daðason, félags- og barnamálaráðherra, kynnti á ríkisstjórnarfundi í dag skýrslu samráðshóps um breytt framfærslukerfi almannatrygginga. Samráðshópurinn hafði það hlutverk að móta framfærslukerfi sem styður við það markmið starfsgetumats að sem flestir geti verið virkir þátttakendur á vinnumarkaði.

19. des. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Komugjöld í heilsugæslu felld niður hjá öryrkjum og öldruðum

Hætt verður að innheimta komugjöld af öryrkjum og öldruðum í heilsugæslu og hjá heimilislæknum frá 1. janúar næstkomandi, samkvæmt ákvörðun Svandísar Svavarsdóttur heilbrigðisráðherra. Gjald fyrir vitjanir lækna til aldraðra og öryrkja verður einnig fellt niður. Líkt og áður eru ekki innheimt komugjöld hjá börnum að 18 ára aldri. Ráðherra segir þetta mikilvæga aðgerð og lið í stefnu stjórnvalda um að draga úr greiðsluþátttöku sjúklinga og að efla hlutverk heilsugæslunnar sem fyrsta viðkomustað fólks í heilbrigðiskerfinu.

18. des. 2018Félags- og húsnæðismálaráðuneytið, Félags- og fjölskyldumál, Almannatryggingar og lífeyrir

Hámarksgreiðslur í fæðingarorlofi hækka um 80.000 kr. á mánuði

Ásmundur Einar Daðason, félags- og jafnréttismálaráðherra, hefur undirritað reglugerð um hækkun á greiðslum til foreldra í fæðingarorlofi frá 1. janúar 2019. Óskertar greiðslur hækka úr 520.000 kr. í 600.000 kr. á mánuði. Ásmundur Einar segir þessa hækkun mikilvæga og sýna í verki áherslur stjórnvalda á að efla stuðning við börn og barnafjölskyldur.

18. des. 2018Félags- og húsnæðismálaráðuneytið, Almannatryggingar og lífeyrir, Heilbrigðisráðuneytið

Hækkun bóta almannatrygginga um áramót

Ásmundur Einar Daðason, félags- og jafnréttismálaráðherra, hefur undirritað tíu reglugerðir um hækkun bóta almannatrygginga 1. janúar 2019. Hækkun bóta nemur 3,6% í samræmi við launa- og verðlagsuppfærslur fjárlaga og tekur til lífeyristrygginga, félagslegrar aðstoðar, foreldragreiðslna og greiðslna til lifandi líffæragjafa.

18. sep. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Endurskoðun reglugerðar til að jafna rétt barna

Svandís Svavarsdóttir heilbrigðisráðherra hefur ákveðið að láta endurskoða ákvæði reglugerðar um greiðsluþátttöku sjúkratrygginga fyrir tannlækningar og tannréttingar barna vegna afleiðinga meðfæddra galla, slysa og sjúkdóma. Ráðherra segir endurskoðun nauðsynlega þar sem gildandi reglugerðarákvæði virðist leiða til mismununar sem sé óverjandi.

20. jún. 2018Heilbrigðisráðuneytið, Líf og heilsa, Heilbrigðismál, Almannatryggingar og lífeyrir

Markmiðin með nýju greiðsluþátttökukerfi heilbrigðisþjónustu hafa náðst

Nýtt greiðsluþátttökukerfi heilbrigðisþjónustu hefur aukið jöfnuð eins og að var stefnt og varið þá sem veikastir eru fyrir fyrir miklum útgjöldum. Útgjöld barnafjölskyldna hafa lækkað og hlutverk heilsugæslunnar sem fyrsti viðkomustaður fólks í heilbrigðiskerfinu styrkst. Þetta er niðurstaða úttektar um reynslu af kerfinu ári eftir innleiðingu þess.

15. jún. 2018Félags- og húsnæðismálaráðuneytið, Almannatryggingar og lífeyrir, Heilbrigðisráðuneytið

Um Evrópuráðstefnu almannatryggingastofnana í Reykjavík

Evrópuráðstefna almannatryggingastofnana ​á vegum ISSA, alþjóðasamtaka almannatryggingastofnana (e. International Social Security Association) ​um réttindi til lífeyris og almannatrygginga út frá kynja- og jafnréttissjónarmiðum var haldin í Reykjavík nýlega í samstarfi við Tryggingastofnun og jafnréttisteymi velferðarráðuneytisins.

05. apr. 2018Húsnæðis- og mannvirkjamál, Almannatryggingar og lífeyrir, Vinnumál, Félags- og fjölskyldumál, Fjármálaáætlun, Félags- og húsnæðismálaráðuneytið

Fjármálaáætlun 2019-2023: Aukin framlög til félags- og jafnréttismála

Samkvæmt tillögu að fjármálaáætlun fyrir árin 2019-2023 sem ríkisstjórnin hefur kynnt munu útgjöld til verkefna sem heyra undir félags- og jafnréttismálaráðherra nema um 171 milljarði á næsta ári sem er aukning um rúma 11 milljarða frá gildandi fjárlögum.

22. des. 2017Félags- og húsnæðismálaráðuneytið, Almannatryggingar og lífeyrir, Heilbrigðisráðuneytið

Framlög til örorkulífeyrisþega aukin um 166 milljónir

Heimilisuppbót öryrkja verður hækkuð sérstaklega, umfram almenna hækkun bóta um áramótin og þeim sem búa einir tryggðar 300.000 kr. heildartekjur á mánuði. Tekjumark vegna uppbótar á lífeyri hækkar einnig. Aukningin nemur 166 milljónum króna og hefur tillaga þessa efnis verið lögð fram af hálfu meirihluta fjárlaganefndar.

20. des. 2017Félags- og húsnæðismálaráðuneytið, Félags- og fjölskyldumál, Almannatryggingar og lífeyrir

Fjárlagafrumvarpið: Útgjöld til félagsmála hækka um 21,3 milljarða króna

Í frumvarpi til fjárlaga ársins 2018 er gert ráð fyrir að bætur almannatrygginga og atvinnuleysistrygginga hækki um 4,7% 1. janúar næstkomandi. Frítekjumark atvinnutekna aldraðra hækkar í 100.000 kr. á mánuði og framfærsluviðmið lífeyrisþega sem búa einir hækkar um rúmlega 7%, verður 300.000 kr. á mánuði.