Efnisorð
Tegund

Leita eftir efnisorðum

Sýnir 1101–1150 af 1821
Raða eftir:
16. jún. 2022Menningar-٫ nýsköpunar- og háskólaráðuneytið, Menningarmál

Menningarsjóðir úthluta 120 milljónum til bókasafna, tónlistarmanna og hljóðritunar

Lilja Dögg Alfreðsdóttir, menningar- og viðskiptaráðherra, veitti í dag styrki úr þremur menningarsjóðum – tónlistarsjóði, hljóðritasjóði og bókasafnasjóði við hátíðlega athöfn í Safnahúsinu. Þetta er síðari úthlutun tónlistarsjóðs sem að þessu sinni veitir styrki til 100 tónlistartengdra verkefna að upphæð rúmlega 71 milljóna króna. Til úthlutunar var 50 milljóna viðbót stjórnvalda, viðspyrnuúrræði vegna heimsfaraldursins. Bókasafnasjóður veitir alls 20 milljónir króna til níu verkefna. Hljóðritasjóður veitir alls 29 milljónir króna til 59 verkefna

16. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Hærri endurgreiðslur vegna kvikmyndaframleiðslu samþykktar á Alþingi

Alþingi hefur samþykkt frumvarp Lilju Alfreðsdóttir menningar- og viðskiptaráðherra um að hækka endurgreiðslur vegna kvikmyndaframleiðslu á Íslandi úr 25% í 35%. Frumvarpið öðlast strax gildi en málið er hluti af stjórnarsáttmála ríkisstjórnarinnar og liður í kvikmyndastefnu fyrir Ísland til ársins 2030 sem menningarmálaráðherra kynnti árið 2020.

15. jún. 2022Menningar-٫ nýsköpunar- og háskólaráðuneytið, Covid-19, Menningarmál

Viðspyrnuaðgerðir ríkisstjórnarinnar: Aukaúthlutun listamannalauna og Sviðslistasjóðs

Sviðslistasjóður veitir 25 milljónum króna til 9 verkefna leikárið 2022/23 í þessari auka úthlutun og fylgja þeim 42 listamannalaunamánuðir úr launasjóði sviðslistafólks, 8 mánuðir voru veittir þremur einstaklingum utan sviðslistahópa. Alls voru 200 mánuðir til úthlutunar listamannalauna, 50 mánuðir til sviðslistafólks og 150 til tónlistarflytjenda.

13. jún. 2022Forsætisráðuneytið, Covid-19, Félags- og húsnæðismálaráðuneytið, Heilbrigðisráðuneytið, Mennta- og barnamálaráðuneytið, Menningar-٫ nýsköpunar- og háskólaráðuneytið

Skýrsla starfshóps um félags- og heilsufarslegar aðgerðir vegna áhrifa heimsfaraldurs á viðkvæma hópa

Starfshópur sem ríkisstjórnin fól að vinna tillögur um félags- og heilsufarslegar aðgerðir vegna áhrifa heimsfaraldurs kórónuveiru á viðkvæma hópa hefur skilað skýrslu til forsætisráðherra.

07. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Líflegar og gagnlegar umræður á fundi um Tónlistarmiðstöð

Opið samtal, samráð við hagaðila og lausnamiðuð nálgun eru leiðarljós vinnu við nýja Tónlistarmiðstöð. Tónverkamiðstöð, Tónskáldafélag Íslands og Félag tónskálda og textahöfunda boðuðu því til kynningarfundar um vinnu við Tónlistarmiðstöð fyrir félagsmenn sína. Lilja Dögg Alfreðsdóttir, menningar- og viðskiptaráðherra, ávarpaði fundinn og ræddi við félagsmenn um vinnuna. Líflegar og gagnlegar umræður sköpuðust á fundinum sem var vel sóttur.

07. jún. 2022Menningar-٫ nýsköpunar- og háskólaráðuneytið, Umhverfi og náttúruvernd, Vísindi nýsköpun og rannsóknir, Loftslagsmál, Nýsköpun, Orka, Auðlindir

Virkja þarf hugvit, þekkingu og nýsköpun til að ná markmiðum um kolefnishlutleysi

Þrátt fyrir að hafa verið frumkvöðlar í nýtingu umhverfisvænna orkugjafa, svo sem vatnsorku og jarðhita, og í dag leiðtogar á heimsvísu þegar kemur að endurnýjanlegri orkuframleiðslu og sérþekkingu á því sviði, þarf íslenska þjóðin að taka höndum saman til að ná settum markmiðum.

29. maí 2022Forsætisráðuneytið, Menningar-٫ nýsköpunar- og háskólaráðuneytið

Tilkynnt um úthlutun styrkja úr Barnamenningarsjóði

Katrín Jakobsdóttir forsætisráðherra og Lilja D. Alfreðsdóttir, menningar- og viðskiptaráðherra, tilkynntu í dag, á degi barnsins, um úthlutun styrkja úr Barnamenningarsjóði Íslands. Alls hljóta 34 verkefni styrk að þessu sinni en heildarfjárhæð styrkja nemur 92 milljónum króna. Er þetta í fjórða sinn sem styrkjum er úthlutað úr sjóðnum.

27. maí 2022Menningar-٫ nýsköpunar- og háskólaráðuneytið

Þrír nýir skrifstofustjórar í háskóla-, iðnaðar- og nýsköpunarráðuneytinu

Háskóla-, iðnaðar- og nýsköpunarráðherra hefur skipað í tvö embætti skrifstofustjóra hjá ráðuneytinu að undangenginni auglýsingu um störfin. Að loknu heildarmati í kjölfar skýrslu hæfnisnefndar var það mat ráðherra að Sigríður Valgeirsdóttir og Ari Sigurðsson skyldu skipuð í embættin. Þá hefur Jón Vilberg Guðjónsson verið fluttur í embætti skrifstofustjóra á skrifstofu yfirstjórnar í ráðuneytinu.

27. maí 2022Menningar-٫ nýsköpunar- og háskólaráðuneytið, Umhverfi og náttúruvernd, Vísindi nýsköpun og rannsóknir, Loftslagsmál, Nýsköpun, Húsnæðis- og mannvirkjamál, Félags- og húsnæðismálaráðuneytið, Innviðaráðuneytið

Hugvitið nýtt til að draga úr kolefnislosun byggingariðnaðar

Askur - mannvirkjarannsóknarsjóður veitir styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum mannvirkjagerðar. Á Nýsköpunarvikunni sem fór fram nýlega kynntur nokkrir styrkhafar Asksins nýsköpunarverkefni sín. Slík verkefni eru í lykilhlutverki þegar kemur að vistvænni mannvirkjagerð, auknum gæðum bygginga og heilnæmi.

23. maí 2022Menningar-٫ nýsköpunar- og háskólaráðuneytið, Menningarmál, Atvinnuvegir

Ráðherra mælti fyrir frumvarpi um kvikmyndaendurgreiðslur

„Mikill áhugi er á þessum áformum ríkisstjórnarinnar, bæði hér heima fyrir og ekki síður erlendis. Þannig bíða nokkur stór og áhugaverð erlend verkefni, sem reiðubúin eru að hefja tökur á þessu ári, eftir formlegri ákvarðanatöku stjórnvalda og umræddri lagabreytingu,“ sagði Lilja Dögg Alfreðsdóttir, menningar- og viðskiptaráðherra í framsöguræðu sinni á Alþingi þar sem hún fjallaði um breytingar á lögum um tímabundnar endurgreiðslur vegna kvikmyndagerðar á Íslandi. Ráðherra sagði mikið til þess unnið að afgreiða frumvarpið sem lög frá Alþingi fyrir þinglok á vorþingi.

19. maí 2022Menningar-٫ nýsköpunar- og háskólaráðuneytið, Vísindi nýsköpun og rannsóknir, Nýsköpun, Menningarmál

Þróun gervigreindartækni nýtist tungumálum eins og íslensku

„Eitt af því sem liðsinnt getur framþróun tungumála eins og íslensku er ör þróun gervigreindar, þar felast mörg tækifæri sem flest eru ókönnuð enn,“ segir Lilja Alfreðsdóttir menningar- og viðskiptaráðherra heimsótti fyrirtækið OpenAi í San Fransisco í vikunni. Heimsóknin var liður í fundaröð sendinefndar Guðna Th. Jóhannessonar forseta Íslands til Bandaríkjanna sem miðar að því tryggja að íslenska verði hluti af stafrænum tæknilausnum framtíðarinnar.

19. maí 2022Innviðaráðuneytið, Samgöngur og fjarskipti, Fjarskipti, Leit og björgun, Öryggis- og varnarmál, Almannaöryggi, Menningar-٫ nýsköpunar- og háskólaráðuneytið

Samstarf Neyðarlínunnar og farsímafyrirtækjanna stuðlar að auknu öryggi

Kynning á samstarfi Neyðarlínunnar og farsímafyrirtækjanna Nova, Vodafone og Símans fór fram í dag. Um er að ræða mikilvægt og tímabært verkefni þar sem viðeigandi aðilar hafa tekið höndum saman um tryggja gott farsímasamband á fáförnum og afskekktum stöðum á Íslands. Þetta skapar aukið öryggi þar sem víðar verður hægt að ná sambandi við neyðarnúmerið 112 sem og önnur símanúmer.

13. maí 2022Menningar-٫ nýsköpunar- og háskólaráðuneytið, Menningarmál

Endurnýjuðu samning um Film in Iceland: Kynna landið sem stórkostlegan tökustað

Vaxandi áhugi hefur verið á Íslandi sem tökustað og verkefni Film in Iceland, er að kynna Ísland sem áhugaverðan tökustað, endurgreiðslukerfi vegna framleiðslu kvikmynda- og sjónvarpsefnis, innviði íslenska kvikmyndaumhverfisins og að taka við fyrirspurnum erlendra framleiðanda og aðstoða þá eftir fremsta megni. Rennir þetta mikilvægum stoðum undir þau markmið stjórnvalda að efla íslenskan kvikmyndaiðnað og gera Ísland að eftirsóknarverðum tökustað fyrir fjölbreytt kvikmynda- og sjónvarpsverkefni.

13. maí 2022Menningar-٫ nýsköpunar- og háskólaráðuneytið, Covid-19, Menningarmál

Rekstrarsamningar undirritaðir við ÚTÓN og Tónverkamiðstöð

„Það er alltaf gleðilegt að renna styrkari stoðum undir íslenska tónlist, tónlistarmenn, og tónverkasöguna eins og við gerum með þessum samningum. ÚTÓN og Tónverkamiðstöð hafa staðið í stafni í þessum málum. Viðspyrnustyrkurinn vegna heimsfaraldursins mun einnig hafa mikið að segja. Við ætlum að halda vel á spilunum í þessum málum, segir Lilja.

10. maí 2022Menningar-٫ nýsköpunar- og háskólaráðuneytið, Menningarmál

Kvikmyndaendurgreiðslur í Samráðsgátt: Stærri verkefni fái 35% endurgreiðslu kostnaðar

Lilja Dögg Alfreðsdóttir, menningar- og viðskiptaráðherra, hefur sett drög að frumvarpi um breytingu á lögum um endurgreiðslur vegna kvikmyndagerðar í Samráðsgátt stjórnvalda. Endurskoðun laganna er áherslumál í stjórnarsáttmála ríkisstjórnarinnar og upplýsti ráðherra ríkisstjórn um stöðu vinnunnar sl. föstudag.

09. maí 2022Menningar-٫ nýsköpunar- og háskólaráðuneytið, Alþjóðamál, Úkraína, Menningarmál

Ráðherra ávarpaði UNESCO fund í Perlunni

„Ísland hefur lengi verið hluti af UNESCO og við erum ákaft stuðningsfólk fjölþjóðahyggju. Við vinnum sleitulaust að markmiðum UNESCO og gildum stofnunarinnar og á Íslandi deilum við sýn UNESCO um að stuðla að friði og öryggi á grundvelli samvinnu ríkja með samtali á vettvangi menningar, menntunar , samskipta og vísinda,“ segir Lilja, en Ísland var kjörið í framkvæmdanefnd UNESCO í fyrra.

07. maí 2022Menningar-٫ nýsköpunar- og háskólaráðuneytið, Norrænt samstarf, Menningarmál

Lilja fundaði með menningarmálaráðherrum Norðurlandanna

Lilja Dögg Alfreðsdóttir, menningar- og viðskiptaráðherra, fundaði með menningarmálaráðherrum Norðurlandanna í Óperuhúsinu í Ósló þann 4. maí. Þetta var fyrsti ráðherrafundur ársins undir formennsku Noregs. Aðild að samstarfinu eiga Danmörk, Finnland, Ísland, Noregur og Svíþjóð auk Álandseyja, Færeyja og Grænlands.

07. maí 2022Menningar-٫ nýsköpunar- og háskólaráðuneytið, Menntamál, Fjármála- og efnahagsráðuneytið, Húsnæðis- og mannvirkjamál

Tímamót í sögu Listaháskóla Íslands sem fær framtíðarhúsnæði í Tollhúsinu

Viljayfirlýsing um framtíðarhúsnæði Listaháskóla Íslands í Tollhúsinu við Tryggvagötu var undirrituð í dag. Undirritun yfirlýsingarinn er sérstakt fagnaðarefni þar sem skólinn mun nú get sameinað alla sína starfsemi undir einu þaki í fyrsta skipti frá stofnun hans.

06. maí 2022Forsætisráðuneytið, Fjármála- og efnahagsráðuneytið, Innviðaráðuneytið, Menningar-٫ nýsköpunar- og háskólaráðuneytið, Félags- og húsnæðismálaráðuneytið

Ríkisstjórnin samþykkir mótvægisaðgerðir vegna verðbólgu

Ráðist verður í mótvægisaðgerðir til að draga úr áhrifum verðbólgu á lífskjör viðkvæmustu hópa samfélagsins. Tillaga þess efnis frá forsætisráðherra, fjármála- og efnahagsráðherra, innviðaráðherra, félags- og vinnumarkaðsráðherra og menningar- og viðskiptaráðherra var samþykkt á fundi ríkisstjórnarinnar í morgun.

06. maí 2022Fjármála- og efnahagsráðuneytið, Menningar-٫ nýsköpunar- og háskólaráðuneytið, Rekstur og eignir ríkisins, Efnahagsmál og opinber fjármál, Nýsköpun, Upplýsingatæknimál ríkisins

Græn nýsköpun í brennidepli á nýsköpunardegi hins opinbera

Nýsköpunardagur hins opinbera verður haldinn 17. maí næstkomandi. Viðburðurinn fer fram árlega og er markmiðið að hvetja til aukinnar nýsköpunar hjá hinu opinbera. Þemað í ár er græn nýsköpun og er dagskráin afar fjölbreytt. Erindi sem flutt verða snúa jafnt að nýjum tækifærum í nýsköpun, sem og reynslusögum af vel heppnuðum verkefnum.

30. apr. 2022Menningar-٫ nýsköpunar- og háskólaráðuneytið, Menntamál, Barnaréttur, Jafnrétti, Menningarmál

Lilja afhjúpaði risastórt lestrarrúm á Borgarbókasafninu: Segðu mér sögu til heiðurs barnabókahöfundum

„Barnabókmenntir eru oft fyrsta snerting barnsins við heim menningar og lista og skapar rætur fjölbreyttra blóma sem blómstra í börnunum okkar og eru mikilvægur hlekkur í skapandi og gefandi uppeldi. Undanfarin ár hafa stjórnvöld lagt aukna áherslu á að styðja við barnabókmenntir og hefur útgáfa á barnabókum stóraukist í kjölfarið. Við eigum barnabókahöfundum mikið að þakka fyrir að auðga barnæsku okkar og samfélag. Við þá vil ég segja kærar þakkir“ segir Lilja Alfreðsdóttir.

29. apr. 2022Menningar-٫ nýsköpunar- og háskólaráðuneytið, Covid-19, Menningarmál

Listamannalaun fyrir ungt sviðslista- og tónlistarfólk samþykkt á Alþingi

„Við getum verið ótrúlega stolt af þeirri miklu frumsköpun og framleiðslu á menningu sem okkar frábæra listafólk drífur áfram, jafnvel þótt á móti blási. Mannsandinn nærist meðal annars á menningu, því að skemmta sér í góðra vina hópi, sækja tónleika, leiksýningar eða aðra menningarviðburði. Við höfum einsett okkur að styðja við menningu og listir í gegnum faraldurinn og stjórnvöld munu halda áfram að skapa menningu í landinu góð skilyrði,“ segir ráðherra.