Efnisorð
Tegund

Leita eftir efnisorðum

Sýnir 1851–1900 af 2497
Raða eftir:
07. maí 2019Heilbrigðisráðuneytið, Líf og heilsa

Brjóstapúðar áfram til skoðunar

Athygli er vakin á tilkynningu Embættis landlæknis og Lyfjastofnunar varðandi brjóstapúða af ákveðinni gerð, vegna tengsla þeirra við sjaldgæft eitilfrumukrabbamein (BIA-ALCL; breast implant-associated anaplastic large cell lymphoma). Púðarnir sem sjónir hafa einkum beinst að eru með hrjúfu yfirborði og framleiddir af lyfjafyrirtækinu Allergan. Hætt var að selja þessa púða í Evrópu í lok síðasta árs, líkt og fram kom í tilkynningu frá Lyfjastofnun í desember síðastliðnum.

24. apr. 2019Líf og heilsa, Heilbrigðismál, Lyfjamál, Heilbrigðisráðuneytið

Tímamótasamstarf norrænna þjóða á sviði lyfjamála staðfest

Samstarf Íslands, Danmerkur og Noregs á sviði lyfjamála var staðfest með undirritun samkomulags í Reykjavík í gær. Lægra lyfjaverð, öruggara framboð lyfja og þar með aukið öryggi sjúklinga er sá ávinningur sem stefnt er að með samstarfinu. Með þessu eru orðin að veruleika áform um samvinnu sem hafa verið á dagskrá í norrænu samstarfi um langt árabil.

12. apr. 2019Heilbrigðisráðuneytið, Heilbrigðismál, Líf og heilsa

Stuðningur við aldraða til sjálfstæðrar búsetu verði aukinn

Efnt verður til samstarfsverkefnis með áherslu á heilsueflingu aldraða og markvissari þjónustu við þá sem þurfa stuðning til að geta búið á eigin heimili vegna heilsubrests. Ríkisstjórnin samþykkti tillögu heilbrigðisráðherra þessa efnis á fundi sínum í dag. Undirbúningur verkefnisins verður á hendi ráðuneyta heilbrigðis- forsætis- félags- og fjármála, Sambands íslenskra sveitarfélaga og Embættis landlæknis og mun starfshópur þessara aðila skila tillögum um fyrirkomulag þess til heilbrigðisráðherra í júní næstkomandi.

09. apr. 2019Heilbrigðisráðuneytið, Heilbrigðismál, Lyfjamál, Líf og heilsa

Heilbrigðisráðherra fjallaði um norræna baráttu gegn sýklalyfjaónæmi

Svandís Svavarsdóttir heilbrigðisráðherra gerði grein fyrir vinnu Norrænu ráðherranefndarinnar gegn auknu sýklalyfjaónæmi á þingi Norðurlandaráðs sem haldið er í Kaupmannahöfn í dag. Norðurlandaþjóðirnar hafa aukið samstarf sitt í þessum efnum, enda er sýklalyfjaónæmi alvarlegt og vaxandi heilbrigðisvandamál í heiminum.

28. mar. 2019Heilbrigðisráðuneytið, Heilbrigðismál, Líf og heilsa, Norrænt samstarf, Félags- og húsnæðismálaráðuneytið

Norrænt samstarf til bjargar slösuðum í kjölfar stórbruna

Norðurlandaþjóðirnar hafa skipulagt formlegt samstarf sín á milli með viðbragðsáætlun sem unnt er að virkja ef margir slasast af völdum bruna. Samstarfið getur skipt sköpum við björgun mannslífa ef margir þarfnast sérhæfðrar meðferðar vegna alvarlegra brunasára. Fjallað var um samstarfið í tengslum við fund norrænna félags- og heilbrigðisráðherra í Reykjavík í gær.

27. mar. 2019Heilbrigðisráðuneytið, Líf og heilsa, Heilbrigðismál, Efnahagsmál og opinber fjármál, Fjármálaáætlun

Fjármálaáætlun og megináherslurnar í heilbrigðismálum

Stórauknum fjármunum verður varið til að lækka greiðslubyrði sjúklinga vegna heilbrigðisþjónustu, styrkja geðheilbrigðisþjónustuna um allt land og efla heilbrigðisþjónustu við aldraða samkvæmt fjármálaáætlun ríkisstjórnarinnar. Áætlunin endurspeglar áherslur heilbrigðisráðherra og markmið heilbrigðisstefnu til ársins 2030.

27. mar. 2019Heilbrigðisráðuneytið, Félags- og fjölskyldumál, Líf og heilsa, Félags- og húsnæðismálaráðuneytið, Norrænt samstarf

Framtíð Norðurlandaþjóða byggist á velferð barna og ungmenna

Norrænt samstarf á sviði velferðarmála var í brennidepli þegar norrænir ráðherrar félags- og heilbrigðismála hittust á árlegum fundi sínum í dag sem að þessu var haldinn í Reykjavík. Sem fyrr kom glöggt fram á fundinum hvað norrænu þjóðirnar eru skyldar í mörgum efnum, hafa svipaðar áherslur og leggja allar sem ein ríka áherslu á velferðarkerfin sem einn af mikilvægustu hornsteinum samfélagsins. ​

21. mar. 2019Heilbrigðisráðuneytið, Heilbrigðismál, Líf og heilsa

Úthlutun styrkja til gæðaverkefna í heilbrigðisþjónustu

Svandís Svavarsdóttir heilbrigðisráðherra veitti í dag rúmar tvær milljónir króna í styrki til fimm gæðaverkefna í heilbrigðisþjónustu. Verkefnin eru á ólíkum sviðum en hafa hvert og eitt skýran tilgang í þágu notenda þeirrar þjónustu sem um ræðir. „Metnaðarfull verkefni sem geta haft mikil áhrif“ sagði heilbrigðisráðherra við styrkveitinguna í dag.

11. mar. 2019Heilbrigðisráðuneytið, Heilbrigðismál, Líf og heilsa

Staðreyndir um mislinga á heimsvísu

Dauðsföllum af völdum mislinga á heimsvísu fækkaði um 80% milli áranna 2000 og 2017 vegna aukinnar áherslu á bólusetningu. Áætlað er að bólusetning fyrir mislingum hafi komið í veg fyrir 21,1 milljón dauðsfalla á þessu árabili. Alþjóðaheilbrigðismálastofnunin (WHO) hefur tekið saman staðreyndir um mislinga og bólusetningu við þeim og segir stofnunin bólusetningu við sjúkdómnum með ábatasömustu fjárfestingum til að efla lýðheilsu.

11. mar. 2019Heilbrigðisráðuneytið, Heilbrigðismál, Líf og heilsa

Heilbrigðisráðherra skrifar um bætt skipulag krabbameinsskimana

„Með markvissum skimunum er hægt að ná enn betri árangri í baráttunni gegn krabbameini" segir í blaðagrein Svandísar Svavarsdóttur heilbrigðisráðherra í dag. Ráðherra fjallar þar um áformaðar breytingar á fyrirkomulagi skimana í samræmi við tillögur skimunarráðs og Embættis landlæknis sem tengjast einnig innleiðingu íslenskrar krabbameinsáætlunar.

08. mar. 2019Heilbrigðisráðuneytið, Heilbrigðismál, Líf og heilsa

Yfirlýsing vegna rekstrar og endurnýjunar sjúkrabíla

Sjúkratryggingar Íslands hafa að ósk heilbrigðisráðuneytisins fengið opnun útboðs vegna kaupa á sjúkrabílum frestað fram í ágúst. Ástæðan eru samningaviðræður milli ráðuneytisins og Rauða krossins á Íslandi sem þarf að leiða til lykta, en forsenda þess að útboð geti farið fram er að samkomulag náist í viðræðum milli aðila. Heilbrigðisráðuneytið og Rauði krossinn hafa sammælst um eftirfarandi yfirlýsingu til upplýsingar um stöðu viðræðnanna.

04. mar. 2019Heilbrigðisráðuneytið, Heilbrigðismál, Líf og heilsa, Formennska Íslands 2019, Norrænt samstarf, Félags- og húsnæðismálaráðuneytið

Norrænt samstarf: Mikilvæg ráðstefna um geðheilbrigði barna 28. mars

Geðrækt, forvarnir og snemmtæk íhlutun er viðfangsefni stórrar norrænnar ráðstefnu um geðheilbrigði barna í Reykjavík 28. mars. Ráðstefnan er haldin að frumkvæði Íslands sem leiðir samstarf á vettvangi Norrænu ráðherranefndarinnar á þessu ári.

28. feb. 2019Heilbrigðisráðuneytið, Heilbrigðismál, Líf og heilsa

Vegna ákvörðunar SÁÁ um tímabundna lokun göngudeildarþjónustu á Akureyri

Samningviðræður standa yfir milli Sjúkratrygginga Íslands og SÁÁ um rekstur göngudeildarþjónustu á Akureyri. Fjárframlag af hálfu ríkisins til starfseminnar er tryggt í fjárlögum þessa árs. Það kemur því á óvart að SÁÁ ætli að loka göngudeildarþjónustunni tímabundið frá og með morgundeginum vegna kostnaðar, líkt og fram hefur komið í fjölmiðlum.

26. feb. 2019Félags- og húsnæðismálaráðuneytið, Heilbrigðismál, Málefni eldra fólks, Líf og heilsa, Heilbrigðisráðuneytið

Um 790 hjúkrunarrými á framkvæmdaáætlun til ársins 2023

Alls eru 790 hjúkrunarrými á framkvæmdaáætlun til ársins 2023, þar af er fjölgun um rúmlega 580 rými og endurbætur á yfir 200 rýmum. Ítarlega er fjallað um uppbyggingu á þessu sviði og hvernig þessi mál hafa þróast frá árinu 2009 í skriflegu svari Svandísar Svavarsdóttur heilbrigðisráðherra við fyrirspurn á Alþingi sem birt var í dag.

22. feb. 2019Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Samkomulag um byggingu hjúkrunarheimilis á Húsavík

Heilbrigðisráðuneytið og sveitarfélögin Norðurþing, Skútustaðahreppur, Tjörneshreppur og Þingeyjarsveit munu standa saman að byggingu 60 rýma hjúkrunarheimilis á Húsavík sem áætlað að verði tekið í notkun á vormánuðum ársins 2021. Svandís Svavarsdóttir heilbrigðisráðherra og Kristján Þór Magnússon sveitarstjóri Norðurþings undirrituðu samning þessa efnis í dag.

21. feb. 2019Heilbrigðisráðuneytið, Heilbrigðismál, Líf og heilsa

Úthlutun 630 milljóna króna til að efla geðheilbrigðisþjónustu á landvísu

Svandís Svavarsdóttir heilbrigðisráðherra tilkynnti í dag hvernig 630 milljónum króna af fjárlögum ársins verður ráðstafað til að efla geðheilbrigðisþjónustu á landsvísu. Fénu verður varið til að fjölga stöðugildum sálfræðinga í heilsugæslu annars vegar og til að efla og byggja upp geðheilsuteymi um allt land.

20. feb. 2019Ræður og greinar, Heilbrigðismál, Líf og heilsa, Heilbrigðisráðuneytið

Landspítali þjónustar börn og ungmenni í fíknivanda

Landspítalinn undirbýr nú að taka að sér þjónustu við börn og ungmenni í fíknivanda í samræmi við ákvörðun Svandísar Svavarsdóttur heilbrigðisráðherra. Þessi hópur hefur hingað til fengið þjónustu af hálfu SÁÁ en nú hefur verið ákveðið að færa þetta verkefni til Landspítalans. Ráðherra fjallar um málið í blaðagrein sem birtist í dag.

15. feb. 2019Félags- og húsnæðismálaráðuneytið, Heilbrigðismál, Málefni eldra fólks, Líf og heilsa, Heilbrigðisráðuneytið

Samkeppni um hönnun nýs hjúkrunarheimilis í Hornafirði

Hönnunarsamkeppni um nýtt hjúkrunarheimili í Hornafirði fyrir 30 íbúa verður auglýst um helgina. Heimilið mun leysa af hólmi hjúkrunarheimilið Skjólgarð þar sem búa 24 einstaklingar, flestir í tvíbýli. Áætlað er að niðurstöður hönnunarsamkeppni liggi fyrir í lok maí og að heimilið verði fullbyggt og tilbúið til notkunar vorið 2021.