Efnisorð
Tegund

Leita eftir efnisorðum

Sýnir 2251–2300 af 13112
Raða eftir:
29. apr. 2024Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 68/2024-Úrskurður

Viðurlög. Ofgreiddar bætur. Ótekinn biðtími. Staðfest ákvörðun Vinnumálastofnunar um að fella niður rétt kæranda til atvinnuleysisbóta í tvo mánuði vegna ótilkynntra tekna. Einnig staðfest ákvörðun stofnunarinnar um innheimtu ofgreiddra atvinnuleysisbóta. Þá var ákvörðun Vinnumálastofnunar um að setja greiðslur atvinnuleysisbóta til kæranda á bið einnig staðfest. Kærandi hafði ekki áunnið sér rétt til nýs bótatímabils.

29. apr. 2024Félags- og húsnæðismálaráðuneytið, Norrænt samstarf

Mikill skjátími barna og ungmenna á samfélagsmiðlum í brennidepli

Áhrif skjátíma á heilsu barna og ungmenna var til umræðu á fundi Norrænu ráðherranefndarinnar um félags- og heilbrigðismál í Stokkhólmi á dögunum. Norrænu ráðherrarnir hafa miklar áhyggjur af þeim neikvæðu áhrifum sem aukin skjánotkun og stafrænir miðlar geta haft á heilsu og vellíðan barna og ungmenna. Vilji er til að auka þrýstinginn á stóru samfélagsmiðlafyrirtækin um að axla meiri ábyrgð og grípa til aðgerða til að draga úr neikvæðum áhrifum mikils skjátíma.

24. apr. 2024Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 114/2024-Úrskurður

Endurhæfingarlífeyrir. Felld úr gildi ákvörðun Tryggingastofnunar ríkisins um endurhæfingarlífeyri og málinu heimvísað til rannsóknar á því hvort kærandi uppfyllti skilyrði fyrir greiðslum endurhæfingarlífeyris. Að mati úrskurðarnefndar velferðarmála var mál kæranda ekki nægjanlega upplýst áður en Tryggingastofnun tók hina kærðu ákvörðun, sbr. 46. gr. laga um almannatryggingar og 10. gr. stjórnsýslulaga..

22. apr. 2024Félags- og húsnæðismálaráðuneytið, Almannatryggingar og lífeyrir

Öll með: Fjöldi fólks fylgdist með kynningu á fyrirhuguðum breytingum á örorkulífeyriskerfinu

Fjöldi fólks fylgdist með kynningarfundi Guðmundar Inga Guðbrandssonar, félags- og vinnumarkaðsráðherra, um breytingar á örorkulífeyriskerfinu. Yfirskrift fundarins var „Öll með“ og var fundurinn sendur út í beinu streymi fyrr í dag. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara.

22. apr. 2024Félags- og húsnæðismálaráðuneytið, Almannatryggingar og lífeyrir

Reiknivél vegna fyrirhugaðra breytinga á örorkulífeyriskerfinu

Reiknivél hefur verið opnuð vegna fyrirhugaðra breytinga á örorkulífeyriskerfinu. Þar getur fólk borið saman hvað það fær í örorkulífeyri í núverandi greiðslukerfi og hvað það myndi fá í nýju greiðslukerfi. Guðmundur Ingi Guðbrandsson, félags- og vinnumarkaðsráðherra, setti reiknivélina í loftið á kynningarfundi í Þjóðmenningarhúsinu sem nú stendur yfir.

22. apr. 2024Félags- og húsnæðismálaráðuneytið, Norrænt samstarf

Opið samráð um samstarfsáætlanir Norrænu ráðherranefndarinnar fyrir tímabilið 2025-2030

Vakin er athygli á að frestur til að skila inn athugasemdum við drög að nýjum samstarfsáætlunum Norrænu ráðherranefndarinnar fyrir tímabilið 2025–2030 rennur út 26. apríl nk. Áhugafólk um norrænt samstarf er hvatt til að kynna sér málið og koma sjónarmiðum sínum á framfæri með því að fylla út og senda inn eyðublað á vefsíðu norræna samstarfsins.

20. apr. 2024Félags- og húsnæðismálaráðuneytið, Almannatryggingar og lífeyrir

Öll með: Viðamiklar breytingar á örorkulífeyriskerfinu kynntar á mánudag

Guðmundur Ingi Guðbrandsson, félags- og vinnumarkaðsráðherra, kynnir viðamiklar breytingar á örorkulífeyriskerfinu á fundi í Þjóðmenningarhúsinu á mánudag kl. 11:00. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara. Þetta eru mestu breytingar á örorkulífeyriskerfinu frá upphafi.

18. apr. 2024Félags- og húsnæðismálaráðuneytið, Mennta- og barnamálaráðuneytið

Auglýst eftir umsóknum um nýsköpunar- og þróunarverkefni til að efla framhaldsfræðslu

Fræðslusjóður auglýsir eftir umsóknum um styrki til nýsköpunar- og þróunarverkefna til að efla og þróa áfram vettvang framhaldsfræðslu. Framhaldsfræðsla er hvers konar nám, úrræði, ráðgjöf eða mat á raunfærni sem sérstaklega er ætluð fullorðnu fólki með stutta skólagöngu eða með skerta möguleika til náms eða atvinnuþátttöku. Það getur t.d. verið vegna íslenskukunnáttu eða mismikillar starfsgetu.

17. apr. 2024Félags- og húsnæðismálaráðuneytið, Almannatryggingar og lífeyrir

Kynning á breytingum á örorkulífeyriskerfinu – bein útsending 22. apríl kl. 11:00

Guðmundur Ingi Guðbrandsson, félags- og vinnumarkaðsráðherra, kynnir viðamiklar breytingar á örorkulífeyriskerfinu í beinni útsendingu mánudaginn 22. apríl kl. 11:00 í Safnahúsinu við Hverfisgötu (Þjóðmenningarhúsinu). Fundinum verður streymt á vef Stjórnarráðsins. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara.

16. apr. 2024Ræður og greinar, Félags- og húsnæðismálaráðuneytið, Samgöngur, Sveitarstjórnir og byggðamál, Skipulagsmál, Húsnæðis- og mannvirkjamál, Innviðaráðuneytið

Byggjum Ísland upp

16 apríl 2024 / Félags- og húsnæðismálaráðuneytið Innviðaráðuneytið Byggjum Ísland upp Grein birt í Morgunblaðinu 16. apríl 2024 Síðustu ár hefur þrálát verðbólga í kjölfar heimsfaraldurs og stríðsátaka verið áskorun fyrir bæði velsæld og hagstjórn á Íslandi. Ríkisstjórnin hefur einsett sér að efnahagsstefnan styðji við peningastefnu þannig að skilyrði skapist fyrir lægri vöxtum, enda er það brýnt hagsmunamál almennings og atvinnulífs að vextir fari að lækka

16. apr. 2024Félags- og húsnæðismálaráðuneytið, Útlendingar, Vinnumál, Innflytjendur, Almannatryggingar og lífeyrir

Hækkun á framlögum til Fæðingarorlofssjóðs, útvíkkun sorgarleyfis og aðgerðir til að aðstoða fólk með mismikla starfsgetu út á vinnumarkað

Átta milljarða króna hækkun á framlögum til Fæðingarorlofssjóðs og aukin framlög vegna sorgarleyfis eru hluti af fjármálaáætlun 2025-2029 sem kynnt var í morgun. Þá bætist á tímabili áætlunarinnar við fjármagn í vinnusamninga örorkulífeyrisþega og vinnumarkaðsaðgerðir fyrir atvinnuleitendur og fólk með skerta starfsgetu sem nemur 900 milljónum kr. árlegu framlagi frá og með árinu 2027.

16. apr. 2024Félags- og húsnæðismálaráðuneytið

Mælti fyrir frumvarpi sem felur í sér hækkun á hámarksgreiðslum úr Fæðingarorlofssjóði og vegna sorgarorlofs

Guðmundur Ingi Guðbrandsson, félags- og vinnumarkaðsráðherra, hefur mælt fyrir frumvarpi á Alþingi um breytingu á lögum um fæðingar- og foreldraorlof og lögum um sorgarleyfi. Frumvarpið var lagt fram í kjölfar sameiginlegra aðgerða ríkisstjórnar Íslands og Sambands íslenskra sveitarfélaga sem kynntar voru í mars sl. til að greiða fyrir kjarasamningum á vinnumarkaði til næstu fjögurra ára.

12. apr. 2024Félags- og húsnæðismálaráðuneytið, Fatlað fólk

Mælti fyrir frumvarpi sem skýrir hlutverk og heimildir réttindagæslumanna og persónulegra talsmanna

Guðmundur Ingi Guðbrandsson, félags- og vinnumarkaðsráðherra, hefur mælt á Alþingi fyrir frumvarpi sem skýrir hlutverk og verkferla í kringum réttindagæslumenn og persónulega talsmenn fatlaðs fólks og gerir þeim betur kleift að sinna hlutverki sínu. „Með þeim breytingum sem lagðar eru fram í frumvarpinu er lögð áhersla á að vilji hins fatlaða einstaklings ráði för, eins og skýrt kemur fram í samningi Sameinuðu þjóðanna um réttindi fatlaðs fólks,“ sagði Guðmundur Ingi meðal annars í framsöguræðu sinni.

11. apr. 2024Félags- og húsnæðismálaráðuneytið, Vinnumál

Mælti fyrir frumvarpi sem felur í sér aukið samstarf og eftirlit á vinnumarkaði

Guðmundur Ingi Guðbrandsson, félags- og vinnumarkaðsráðherra, mælti í dag fyrir frumvarpi á Alþingi sem felur í sér aukið samstarf og eftirlit á vinnumarkaði. Frumvarpinu er meðal annars ætlað að styrkja samvinnu stjórnvalda og samtaka aðila vinnumarkaðarins við að sporna gegn brotastarfsemi á innlendum vinnumarkaði. Enn fremur er frumvarpinu ætlað að styrkja eftirlit og samstarf þeirra aðila sem fara með opinbert eftirlit á vinnumarkaði.