Stjórnarráðið | Eftir Tögum

Leita eftir efnisorðum

Sýnir 251–297 af 297

Raða eftir:

Dagsetningu

Mikilvægi

22. mar. 2019Utanríkisráðuneytið, Auðlindir, Utanríkismál, Alþjóðasamningar, Evrópusamvinna, Orka, Umhverfis-٫ orku- og loftslagsráðuneytið

Ríkisstjórnin samþykkir að leggja þriðja orkupakkann fyrir Alþingi

Ríkisstjórnin samþykkti á fundi sínum í morgun tillögu utanríkisráðherra um að leggja fyrir Alþingi þingsályktunartillögu um staðfestingu ákvörðunar sameiginlegu EES-nefndarinnar nr. 93/2017 um breytingu á IV. viðauka (orka) við EES-samninginn. Með þingsályktunartillögunni heimilar Alþingi að aflétta stjórnskipulegum fyrirvara við ákvörðun sameiginlegu EES-nefndarinnar um upptöku svonefnds þriðja orkupakkans í EES-samninginn. Tillagan inniheldur fyrirvara um að áður en grunnvirki verði reist sem gera mögulegt að flytja raforku milli Íslands og orkumarkaðar Evrópusambandsins verði lagagrundvöllur gerðanna endurskoðaður og komi ákvæði hennar sem varða tengingar yfir landamæri ekki til framkvæmda fyrr en að þeirri endurskoðun lokinni.

22. mar. 2019Utanríkisráðuneytið, Alþjóðasamningar, Evrópusamvinna, Orka, Utanríkismál, Umhverfis-٫ orku- og loftslagsráðuneytið

Sameiginlegur skilningur um gildi þriðja orkupakkans gagnvart Íslandi

Guðlaugur Þórðarson ráðherra og Miguel Arias Canete framkvæmdastjóri orkumála í framkvæmdastjórn Evrópusambandsins ræddu hinn 20. mars 2019 þriðja orkupakka ESB, með hliðsjón af einstökum aðstæðum á Íslandi að því er varðar endurnýjanlega orku og orkumarkaði.

15. mar. 2019Utanríkisráðuneytið, Alþjóðasamningar, Brexit, Evrópusamvinna, Norðurslóðir, Öryggis- og varnarmál, Utanríkisviðskipti, Utanríkismál

Góður fundur Guðlaugs Þórs og Maas

Öryggis- og varnarmál, málefni norðurslóða og alþjóðlegt viðskiptaumhverfi voru meðal helstu umræðuefna á tvíhliða fundi Guðlaugs Þórs Þórðarsonar, utanríkisráðherra, og Heiko Maas, utanríkisráðherra Þýskalands, sem fram fór í Berlín fyrr í dag.

13. mar. 2019Utanríkisráðuneytið, Evrópusamvinna

Nýr opinn EES-gagnagrunnur kynntur á morgunfundi með ASÍ og SA

Utanríkisráðuneytið, Samtök atvinnulífsins og Alþýðusamband Íslands stóðu í morgun fyrir fundi um stöðu EES-samningsins, ávinning og áskoranir honum tengdar. Á fundinum var einnig kynntur nýr opinn EES-gagnagrunnur þar sem EES-gerðir eru aðgengilegar á einum stað. Í ár eru 25 ár síðan samningurinn tók gildi og gagnagrunnurinn mikilvægt skref í átt að auknu gagnsæi.

07. mar. 2019Utanríkismál, Utanríkisráðuneytið, Evrópusamvinna

Góður árangur Íslands í frammistöðumati ESA

Samkvæmt nýbirtu frammistöðumati Eftirlitsstofnun EFTA (ESA) jafna íslensk stjórnvöld sinn besta árangur frá upphafi mælinga. Þetta er 43. frammistöðumat ESA sem gefið er út tvisvar á hverju ári. Í því er tekinn saman árangur EFTA-ríkjanna þriggja innan Evrópska efnahagssvæðisins (EES) við innleiðingu EES-gerða.

04. mar. 2019Utanríkisráðuneytið, Evrópusamvinna

EES og atvinnulífið – Hvernig höfum við áhrif saman?

Miðvikudaginn 13. mars efnir utanríkisráðuneytið til morgunfundar um samstarf í málefnum Evrópska efnahagssvæðisins ásamt Alþýðusambandi Íslands og Samtökum atvinnulífsins. Fundurinn er haldinn á Grand hótel Reykjavík frá klukkan 8:30 til 10:00.

08. feb. 2019Utanríkisráðuneytið, Brexit, Evrópusamvinna, Utanríkismál

Réttindi íslenskra ríkisborgara tryggð eftir Brexit

Samningaviðræðum er lokið á milli EFTA-ríkjanna innan EES, Íslands, Noregs og Liechtenstein, við Bretland um áframhaldandi búseturéttindi borgara ef útgöngusamningur Bretlands og Evrópusambandsins verður ekki samþykktur.

06. feb. 2019Utanríkisráðuneytið, Alþjóðasamningar, Evrópusamvinna, Utanríkismál

Utanríkisráðherra áréttaði mikilvægi EES-samningsins

Guðlaugur Þór Þórðarson utanríkisráðherra undirstrikaði þýðingu EES-samningsins fyrir Ísland um leið og hann hvatti til stöðugrar árvekni og endurmats í ræðu sem hann flutti á málstofu í Háskólanum í Reykjavík í dag. Ráðherra varaði við að um þessar mundir væri sótt að samningnum úr tveimur ólíkum áttum og við því yrði að bregðast.

19. jan. 2019Utanríkisráðuneytið, Evrópusamvinna, Utanríkismál, Heimasendiherrar, Sendiskrifstofa

Kynningarfundir um Uppbyggingarsjóð EES framundan

Í næstu viku verða haldnir sex kynningarfundir um Uppbyggingarsjóð EES fyrir fyrir íslenskar stofnanir, fyrirtæki og frjáls félagasamtök. Nýtt starfstímabil Uppbyggingarsjóðs EES fyrir tímabilið 2014-2021 er að hefjast.

20. des. 2018Utanríkisráðuneytið, Alþjóðasamningar, Brexit, Evrópusamvinna, Sendiráð Íslands í London, Utanríkismál

Samningaviðræðum vegna útgöngumála Breta lokið

Samningaviðræðum EFTA-ríkjanna innan EES, Íslands, Noregs og Liechtenstein, við Bretland vegna útgöngu Bretlands úr Evrópusambandinu og Evrópska efnahagssvæðinu er lokið og hafa drög að samningnum verið birt.

23. nóv. 2018Utanríkisráðuneytið, Evrópusamvinna, Mannréttindi, Utanríkisviðskipti, Utanríkismál

Fríverslunarsamningur EFTA við Indónesíu í höfn

Yfirlýsing um lok fríverslunarviðræðna EFTA og Indónesíu var undirrituð á ráðherrafundi EFTA í Genf í dag. Jafnréttisákvæði í fríverslunarsamningum EFTA voru einnig til umræðu, en Ísland hefur haft frumkvæði að því að setja jafnréttismálin á dagskrá innan EFTA-samstarfsins.

21. nóv. 2018Utanríkisráðuneytið, Brexit, Evrópusamvinna, Utanríkisviðskipti, Utanríkismál

Kaflaskil í Brexit-viðræðum efst á baugi á EES-ráðsfundi

Þáttaskil í viðræðum Bretlands og Evrópsambandsins voru í brennidepli á fundi EES-ráðsins sem fram fór í Brussel. Guðlaugur Þór Þórðarson utanríkisráðherra lagði áherslu á mikilvægi EES-samningsins fyrir Ísland og íslenskt atvinnulíf. Í því samhengi taldi ráðherra mikilvægt að beina athygli að efnahagslegri þýðingu samningsins á 25 ára afmæli hans á næsta ári.

31. okt. 2018Umhverfis-٫ orku- og loftslagsráðuneytið, Umhverfi og náttúruvernd, Utanríkismál, Alþjóðamál, Evrópusamvinna, Samgöngur og fjarskipti

Umhverfis- og auðlindaráðherra sótti fund evrópskra ráðherra um sjálfbærar samgöngur

Guðmundur Ingi Guðbrandsson, umhverfis- og auðlindaráðherra, sótti óformlegan fund umhverfis- og samgönguráðherra Evrópuríkja í Graz í Austurríki, 29.-30. október.

11. okt. 2018Utanríkisráðuneytið, Evrópusamvinna, Mannréttindi, Norðurslóðir, Norrænt samstarf, Þróunarsamvinna, Utanríkismál

Utanríkisráðherrar Íslands og Danmerkur funduðu í Kaupmannahöfn

Formennska Íslands í norrænni samvinnu og Norðurskautsráðinu, Brexit og tvíhliða samskipti voru efst á baugi á fundi Guðlaugs Þór Þórðarsonar utanríkisráðherra og Anders Samuelsen, utanríkisráðherra Danmerkur í Kaupmannahöfn í gær. Utanríkisráðherra kynnti sér jafnframt fyrirkomulag danskrar þróunarsamvinnu með þátttöku atvinnulífsins og sótti viðburði í tilefni fullveldisafmælis Íslands.

03. okt. 2018Utanríkisráðuneytið, Evrópusamvinna, Utanríkisviðskipti, Utanríkismál, Brexit

Brexit í brennidepli á fundi utanríkisráðherra Íslands og Bretlands

Guðlaugur Þór Þórðarson utanríkisráðherra og Jeremy Hunt, utanríkisráðherra Bretlands, ræddu útgöngu Bretlands úr Evrópusambandinu, fríverslunarmál og tvíhliða samskipti á fundi sínum í Birmingham í dag. Þetta er fyrsti tvíhliða fundur ráðherranna síðan Hunt tók við embætti sínu í sumar.

01. okt. 2018Utanríkisráðuneytið, Alþjóðamál, Evrópusamvinna, Norðurslóðir, Utanríkismál

EES-mál í brennidepli á fundi utanríkisráðherra Íslands og Frakklands

Öryggismál á norðurslóðum, EES-mál, útganga Breta úr Evrópusambandinu og tvíhliða samskipti voru efst á baugi á fundi Guðlaugs Þórs Þórðarsonar utanríkisráðherra og Jean-Yves Le Drian, utanríkisráðherra Frakklands í París í morgun.

18. sep. 2018Utanríkisráðuneytið, Alþjóðasamningar, Evrópusamvinna, Öryggis- og varnarmál, Utanríkisviðskipti, Utanríkismál

Annir í utanríkisráðuneytinu

Fundur með þingmannanefnd um Evrópumál, pólitískt samráð við Japan, fríverslunarfundur með kínverskri sendinefnd og viðræður um varnar- og öryggismál við varavarnarmálaráðherra Bandaríkjanna voru á meðal verkefna utanríkisráðherra og starfsfólks utanríkisráðuneytisins í dag.

11. sep. 2018Utanríkisráðuneytið, Evrópusamvinna, Norðurslóðir, Norrænt samstarf, Öryggis- og varnarmál, Þróunarsamvinna, Utanríkismál

Fjárlagafrumvarpið: Aukin hagsmunagæsla vegna EES

Aukin hagsmunagæsla vegna EES-samstarfsins, formennska Íslands í Norðurskautsráðinu og norrænu ráðherranefndinni og aukin framlög til þróunarsamvinnu eru á meðal helstu áherslna á málefnasviði utanríkisráðherra sem birtast í fjárlagafrumvarpinu fyrir árið 2019.

30. ágú. 2018Utanríkisráðuneytið, Evrópusamvinna, Utanríkisviðskipti, Utanríkismál

Utanríkisráðherra skipar starfshóp um EES-skýrslu

Utanríkisráðherra hefur skipað starfshóp sem vinna á skýrslu um aðild Íslands að samningnum um Evrópska efnahagssvæðið. Hópurinn er skipaður þremur einstaklingum sem hafa víðtæka þekkingu og fjölbreytta reynslu á þessu sviði.

15. ágú. 2018Utanríkisráðuneytið, Alþjóðamál, Evrópusamvinna, Landbúnaður, Norðurslóðir, Norrænt samstarf, Utanríkisviðskipti, Utanríkismál

Norski utanríkisráðherrann í vinnuheimsókn

Utanríkisráðherra Noregs heimsótti í dag bændur í Borgarfirði sem ætla að selja hey til norskra bænda. Þau Guðlaugur Þór Þórðarsson utanríkisráðherra ræddu ýmis málefni í vinnuheimsókn hennar hingað til lands.

06. júl. 2018Utanríkisráðuneytið, Evrópusamvinna, Utanríkisviðskipti, Utanríkismál

Innleiðingarhallinn ekki verið minni í átta ár

Mjög hefur dregið úr innleiðingarhalla Íslands á tilskipunum Evrópusambandsins. Samkvæmt nýbirtu frammistöðumati ESA nemur hann hann einu prósenti en fyrir fimm árum var hann 3,2 prósent.

27. jún. 2018Utanríkisráðuneytið, Utanríkismál, Vísindi nýsköpun og rannsóknir, Evrópusamvinna, Norrænt samstarf, Orka, Auðlindir

Guðlaugur Þór fundaði með Ann Linde

Guðlaugur Þór Þórðarson, utanríkisráðherra, átti í dag fund með Ann Linde, utanríkisviðskipta- og Evrópumálaráðherra Svíþjóðar, en hún er stödd hér á landi í vinnuheimsókn. Fyrr í dag opnuðu ráðherrarnir nýja lágvarmavirkjun á Flúðum.

25. jún. 2018Utanríkisráðuneytið, Alþjóðamál, Evrópusamvinna, Utanríkisviðskipti, Utanríkismál

Ráðherrafundi EFTA á Sauðárkróki lokið

Fríverslunarsamningur við Ekvador og uppfærður fríverslunarsamningur við Tyrkland voru undirritaðir á ráðherrafundi Fríverslunarsamtaka Evrópu sem haldinn var á Sauðárkróki í dag. Guðlaugur Þór Þórðarsson utanríkisráðherra stýrði fundinum en Ísland fer með formennsku í EFTA um þessar mundir.

15. jún. 2018Utanríkisráðuneytið, Utanríkismál, Evrópusamvinna, Norrænt samstarf, Menningarmál, Brexit

EFTA/EES-ríkin meta sameiginlega hagsmuni vegna Brexit

Utanríkisráðherrar Íslands, Liechtenstein og Noregs ákváðu á fundi sínum í Ósló í morgun að hefja sameiginlega kortlagningu á hagsmunum sínum vegna útgöngu Bretlands úr Evrópusambandinu. Íslenskur markaður og fullveldishátíð voru opnuð í norsku höfuðborginni í dag.

05. jún. 2018Dómsmálaráðuneytið, Evrópusamvinna, Utanríkismál, Schengen-samstarfið

Fundur dóms- og innanríkisráðherra í tengslum við Schengen samstarfið

Sigríður Á. Andersen dómsmálaráðherra sótti fund dóms- og innanríkisráðherra í tengslum við Schengen samstarfið sem haldinn var í Lúxemborg í dag þriðjudaginn 5. júní 2018.

23. maí 2018Utanríkisráðuneytið, Alþjóðasamningar, Evrópusamvinna, Utanríkismál

Gagnlegur fundur EES-ráðsins með Barnier

Guðlaugur Þór Þórðarson utanríkisráðherra ítrekaði mikilvægi farsællar niðurstöðu Brexit-viðræðna á fundi með aðalsamningamanni Evrópusambandsins í Brussel í dag. Guðlaugur Þór stýrði fundi EES-ráðsins í Brussel fyrir hönd ríkjanna EFTA-ríkjanna þriggja sem eru aðilar að EES-samningnum. Á fundinum báru tveggja stoða kerfi EES og málefni Brexit hæst.

18. maí 2018Utanríkisráðuneytið, Utanríkismál, Alþjóðamál, Evrópusamvinna, Mannréttindi, Mannréttindi og jafnrétti

Ráðherrafundi Evrópuráðsins lokið

Árlegur ráðherrafundur Evrópuráðsins var haldinn í Helsingør í Danmörku í dag en Danir hafa farið með formennsku í ráðherranefnd Evrópuráðsins síðastliðið hálft ár. Kristján Andri Stefánsson, sendiherra og fastafulltrúi Íslands gagnvart Evrópuráðinu, fór fyrir sendinefnd Íslands.

11. maí 2018Fjármála- og efnahagsráðuneytið, Evrópusamvinna, Þróunarsamvinna, Alþjóðamál, Efnahagsmál og opinber fjármál

Fjármála- og efnahagsráðherra kjörinn varaformaður eigendanefndar EBRD

Bjarni Benediktsson, fjármála- og efnahagsráðherra, var kjörinn varaformaður eigendanefndar Endurreisnar- og þróunarbanka Evrópu (EBRD) á ársfundi bankans sem haldinn var við Dauðahafið í Jórdaníu dagana 9-10.maí.

11. maí 2018Forsætisráðuneytið, Utanríkismál, Utanríkisráðuneytið, Evrópusamvinna, Alþjóðasamningar

Forgangsmál fyrir hagsmunagæslu gagnvart Evrópusambandinu

Ríkisstjórnin samþykkti í morgun lista yfir þau mál sem eru í undirbúningi á vettvangi Evrópusambandsins og íslensk stjórnvöld ætla að vakta sérstaklega.

03. maí 2018Rit og skýrslur, Utanríkismál, Evrópusamvinna, Utanríkisráðuneytið

Gengið til góðs

Skref í átt að bættri framkvæmd EES-samningsins

20. apr. 2018Utanríkisráðuneytið, Alþjóðamál, Alþjóðasamningar, Evrópusamvinna, Netöryggi, Öryggis- og varnarmál, Utanríkismál, Brexit

Utanríkisráðherra ræddi Brexit við Davis

Guðlaugur Þór Þórðarson utanríkisráðherra átti fund með David Davis, ráðherra útgöngumála í bresku ríkisstjórninni, í London í gær þar sem þeir ræddu gang viðræðna Breta og Evrópusambandsins um Brexit og fóru yfir áhrif útgöngunnar á Ísland og önnur EES-EFTA ríki.

14. apr. 2018Evrópusamvinna, Utanríkisráðuneytið

Skýrsla um bætta framkvæmd EES-samningsins gefin út

Utanríkisráðuneytið hefur gefið út skýrsluna Gengið til góðs – skref í átt að bættri framkvæmd EES-samningsins. Í þessari viðamiklu skýrslu eru rakin ýmis álitamál sem tengjast samningnum, meðal annars tafir á upptöku og innleiðingu EES-gerða og þrengra svigrúm til að hafa áhrif á slíkar gerðir en jafnframt er sjónum beint að endurbótastarfi í þessum efnum.

13. apr. 2018Alþjóðamál, Alþjóðasamningar, Evrópusamvinna, Norrænt samstarf, Öryggis- og varnarmál, Þróunarsamvinna, Utanríkisviðskipti, Utanríkismál, Utanríkisráðuneytið

Skýrsla utanríkisráðherra um utanríkis- og alþjóðamál

Guðlaugur Þór Þórðarson utanríkisráðherra flutti í dag Alþingi skýrslu sína um utanríkis- og alþjóðamál. Skýrslan gefur greinargott yfirlit yfir stöðu utanríkismála Íslands og helstu atburði á þeim vettvangi undanfarna tólf mánuði, með áherslu á þær breytingar sem nú eru til framkvæmdar í utanríkisþjónustunni.

06. apr. 2018Utanríkisráðuneytið, Utanríkismál, Lög og réttur, Evrópusamvinna, Alþjóðasamningar, Lagasetning, Utanríkisviðskipti, Alþjóðamál

Ísland bætir frammistöðu sína við innleiðingar

Innleiðingahalli Íslands hvað varðar EES-tilskipanir er nú 1,8 prósent en var í maí 2017 2,2 prósent. Ísland er þó enn í neðsta sæti þegar innleiðingarhalli EES-ríkjanna er tekinn saman.

31. jan. 2018Utanríkisráðuneytið, Evrópusamvinna, Utanríkismál

Árni Páll til Uppbyggingarsjóðs EES

Árni Páll Árnason tekur við stöðu varaframkvæmdastjóra skrifstofu Uppbyggingarsjóðs EES í Brussel á morgun, 1. febrúar en hann var tilnefndur til starfans af íslenskum stjórnvöldum.

24. nóv. 2017Utanríkisráðuneytið, Evrópusamvinna, Utanríkisviðskipti, Utanríkismál, Brexit

Málefni Brexit rædd á ráðherrafundi EFTA

Mikilvægi þess að tryggja hagsmuni EFTA-ríkjanna við útgöngu Breta úr Evrópusambandinu (ESB) var þungamiðja umræðna á ráðherrafundi EFTA sem haldinn var í Genf í dag auk þess sem staða mála í fríverslunarviðræðum voru rædd.

25. okt. 2017Utanríkisráðuneytið, Evrópusamvinna, Utanríkisviðskipti, Utanríkismál

Högni S. Kristjánsson í stjórn ESA

Ný stjórn Eftirlitsstofnunar EFTA, ESA, var skipuð í dag og tekur hún við um næstu áramót.

14. sep. 2017Umhverfis-٫ orku- og loftslagsráðuneytið, Umhverfi og náttúruvernd, Evrópusamvinna

Samgönguvika hefst á laugardag

„Förum lengra – samferða“ er yfirskrift Evrópskrar samgönguviku í ár, en hún hefst á laugardag 16. september, á Degi íslenskrar náttúru. Um er að ræða samevrópska viku sem árlega stendur yfir dagana 16. – 22. september.

27. jún. 2017Utanríkismál, Evrópusamvinna, Utanríkisviðskipti, Utanríkisráðuneytið

Ræddu aukið samráð á fyrstu stigum EES hagsmunagæslu

Guðlaugur Þór Þórðarson utanríkisráðherra og Frank Bakke-Jensen, EES og Evrópumálaráðherra Noregs, áttu í dag fund þar sem þeir fóru yfir samstarf ríkjanna í hagsmunagæslu innan EES

20. jún. 2017Utanríkisráðuneytið, Utanríkismál, Jafnrétti, Evrópusamvinna

Utanríkisráðherrafundur Eystrasaltsráðsins í Reykjavík

Fundurinn var haldinn í tilefni af 25 ára afmæli Eystrasaltsráðsins og markaði ennfremur lok formennsku Íslands í ráðinu.

24. maí 2017Utanríkisráðuneytið, Alþjóðamál, Evrópusamvinna, Norrænt samstarf, Öryggis- og varnarmál, Utanríkisviðskipti, Utanríkismál

Norræn samvinna fer vaxandi á flestum sviðum

Evrópumál og Brexit, öryggismál og norræn samvinna voru rædd á fundi utanríkisráðherra Norðurlandanna í Osló.

22. maí 2017Utanríkisráðuneytið, Utanríkismál, Alþjóðamál, Evrópusamvinna, Jafnrétti, Mannréttindi, Mannréttindi og jafnrétti

Aðildarríki Evrópuráðsins beiti sér fyrir vernd mannréttinda, lýðræðis og réttarríkis

Utanríkisráðherrafundur Evrópuráðsins var haldinn á Kýpur í dag. Á dagskrá voru mál sem eru ofarlega á baugi í Evrópu í dag, s.s. pópúlismi og baráttan gegn hryðjuverkum, málefni flóttamanna og stofnanakerfi mannréttindasáttmálans og framtíðarþróun Mannréttindadómstólsins.

16. maí 2017Utanríkisráðuneytið, Evrópusamvinna, Utanríkisviðskipti, Utanríkismál, Brexit

Brexit rætt á fundi EES-ráðsins

Guðlaugur Þór Þórðarsson utanríkisráðherra sat í dag fund EES-ráðsins í Brussel. Í tengslum við ráðsfundinn áttu ráðherrar EFTA-ríkjanna í EES, fund með Michel Barnier, aðalsamningamanni Evrópusambandsins í viðræðum um útgöngu Bretlands úr Evrópusambandinu.

Utanríkisráðuneytið, Utanríkismál, Forsætisráðuneytið, Evrópusamvinna

EES.is - upplýsingaveitan

EES. is - upplýsingaveitan Ísland er hluti af Evrópska efnahagssvæðinu (EES) ásamt Liechtenstein, Noregi og aðildarríkjum Evrópusambandsins (ESB). Íslensk fyrirtæki geta þannig stundað starfsemi sína hindrunarlaust innan svæðisins og Íslendingar hafa tækifæri til að afla sér menntunar og starfa í öllum ríkjum EES

Utanríkisráðuneytið, Utanríkismál, Alþjóðasamningar, Evrópusamvinna, Schengen-samstarfið, Utanríkisviðskipti, Alþjóðamál

EFTA

EFTA Fríverslunarsamtök Evrópu, EFTA (European Free Trade Association) er samstarfsvettvangur aðildarríkja EFTA sem nú eru fjögur: Ísland, Noregur, Liechtenstein og Sviss. Ísland gerðist aðili að EFTA árið 1970. Aðildarríki EFTA hafa gert fríverslunarsamning sín í milli, EFTA-sáttmálann, og gera jafnframt sameiginlega fríverslunarsamninga við lönd utan Evrópusambandsins (ESB) með það að markmiði að tryggja sem best viðskiptakjör á erlendum mörkuðum

Utanríkisráðuneytið, Utanríkisviðskipti, Alþjóðamál, Alþjóðasamningar, Utanríkismál, Evrópusamvinna

Útganga Bretlands úr Evrópusambandinu

Útganga Bretlands úr Evrópusambandinu, og þar með úr EES-samstarfinu, hefur haft umtalsverð áhrif á samband Íslands og Bretlands. Ísland hefur lokið við gerð fjölmargra samninga við Bretland, bæði á meðan aðlögunartímabilinu stóð og eftir útgöngu.