Efnisorð
Tegund

Leita eftir efnisorðum

Sýnir 3051–3100 af 13112
Raða eftir:
23. maí 2023Félags- og húsnæðismálaráðuneytið, Flóttafólk

Tæplega 2.000 umsækjendur um alþjóðlega vernd í húsnæði á vegum Vinnumálastofnunar

Tæplega 2.000 umsækjendur um alþjóðlega vernd dvelja nú í búsetuúrræðum á vegum Vinnumálastofnunar en stofnunin þjónustar umsækjendur um alþjóðlega vernd hér á landi. Aldrei hafa jafnmargir sótt um alþjóðlega vernd á Íslandi en um þessar mundir. Fleiri hafa sótt um vernd frá 1. janúar 2022 en samtals í 12 ár þar á undan.

19. maí 2023Félags- og húsnæðismálaráðuneytið, Fatlað fólk

Staða fatlaðs fólks kemur okkur öllum við – þín skoðun skiptir máli

Guðmundur Ingi Guðbrandsson, félags- og vinnumarkaðsráðherra, býður á næstu vikum til opinna samráðsfunda um landið. Á fundunum verður fjallað um helstu áherslur í þjónustu við fatlað fólk í nútíð og framtíð og hvernig staðið verður að innleiðingu þeirra. Samráðsfundirnir hafa þann tilgang að tryggja milliliðalaust samtal um það sem fólki er efst í huga þegar málefni fatlaðs fólks ber á góma.

12. maí 2023Félags- og húsnæðismálaráðuneytið, Innflytjendur, Útlendingar, Mennta- og barnamálaráðuneytið

Raddir innflytjenda á Íslandi

Raddir innflytjenda voru til umræðu á norrænni ráðstefnu sem fram fór í Reykjavík í gær og haldin var í tilefni af formennsku Íslands í Norrænu ráðherranefndinni. Ráðstefnan tengist verkefninu „Raddir fólks með erlendan bakgrunn – inngilding í nám, starf og samfélag“ sem ætlað er að draga fram sjónarhorn ungra innflytjenda á Íslandi. Fræðslumiðstöð atvinnulífsins og Norræna samstarfsnetið um fullorðinsfræðslu (NVL) stýra verkefninu í samstarfi við félags- og vinnumarkaðsráðuneytið og mennta- og barnamálaráðuneytið.

10. maí 2023Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 60/2023-Úrskurður

Ellilífeyrir. Felld úr gildi ákvörðun Tryggingastofnunar ríkisins um útreikning á búsetuhlutfalli vegna umsóknar hans um ellilífeyri og málinu vísað aftur til stofnunarinnar til nýrrar meðferðar. Af greinargerð Tryggingastofnunar verður ráðið að stofnunin hafi ekki lagt neitt mat á gögn frá kæranda um að búseta hans á Íslandi hafi verið rangt skráð í Þjóðskrá.

10. maí 2023Félags- og húsnæðismálaráðuneytið, Vinnumál

Félags- og vinnumarkaðsráðherrar ESB og EFTA funduðu í Stokkhólmi

Áskoranir á vinnumarkaði og félagsleg vernd voru meðal fundarefna á óformlegum fundi félags- og vinnumarkaðsráðherra ESB sem haldinn var í Stokkhólmi fyrir skemmstu. Íslandi og öðrum EFTA-ríkjum var boðin þátttaka og sótti Guðmundur Ingi Guðbrandsson, félags- og vinnumarkaðsráðherra, fundinn fyrir Íslands hönd. Á dagskrá voru tvö meginfundarefni.

09. maí 2023Félags- og húsnæðismálaráðuneytið, Norrænt samstarf

Friður, sjálfbærni og fundahöld á Álandseyjum

Guðmundur Ingi Guðbrandsson, félags- og vinnumarkaðsráðherra og samstarfsráðherra Norðurlanda, heimsótti Álandseyjar í lok síðustu viku. Annette Holmberg-Jansson, samstarfsráðherra Álandseyja og félags- og heilbrigðisráðherra eyjanna fylgdi ráðherra og þau funduðu meðal annars um velferðarmál, norrænt samstarf og málefni sem eyjasamfélög eiga sameiginleg.

09. maí 2023Félags- og húsnæðismálaráðuneytið, Flóttafólk

Fólk með dvalarleyfi af mannúðarástæðum má nú strax hefja störf

Breytingar sem gerðar hafa verið á lögum um atvinnuréttindi útlendinga auðvelda fólki sem fengið hefur dvalarleyfi af mannúðarástæðum að komast út á vinnumarkaðinn. Það sama gildir um þau sem fengið hafa dvalarleyfi á grundvelli sérstakra tengsla við landið. Undir þann hóp sem fengið hefur dvalarleyfi af mannúðarástæðum fellur meðal annars flóttafólk frá Úkraínu sem fengið hefur leyfið útgefið á grundvelli fjöldaflótta.

03. maí 2023Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 598/2020-Endurupptekið

Örorkumat. Felld úr gildi ákvörðun Tryggingastofnunar ríkisins um að synja kæranda um örorkulífeyri og tengdar greiðslur. Málinu vísað aftur til stofnunarinnar til nýrrar meðferðar. Tryggingastofnun hefur ekki fært fram nein rök fyrir því að mismunandi niðurstaða í máli kæranda í samanburði við annan heyrnarlausan örorkulífeyrisþega sé byggð á málefnalegum sjónarmiðum.

02. maí 2023Félags- og húsnæðismálaráðuneytið

Stórefla stuðning við ungt fólk í viðkvæmri stöðu til að fyrirbyggja brotthvarf af vinnumarkaði

Guðmundur Ingi Guðbrandsson, félags- og vinnumarkaðsráðherra, Páll Ásgeir Guðmundsson, forstöðumaður efnahags- og samkeppnishæfnisviðs hjá Samtökum atvinnulífsins, Unnur Sverrisdóttir, forstjóri Vinnumálastofnunar, og Vigdís Jónsdóttir, framkvæmdastjóri VIRK starfsendurhæfingarsjóðs, skrifuðu í dag undir viljayfirlýsingu um stóraukinn einstaklingsmiðaðan stuðning við ungt fólk í viðkvæmri stöðu. Meira en 450 milljónum króna verður varið til verkefnisins yfir þriggja ára tímabil.