Hönnunarsjóður

Tekjustofn Hönnunarsjóðs er árlegt framlag sem Alþingi ákveður á fjárlögum. Miðstöð hönnunar og arkitektúrs annast umsýslu sjóðsins skv. sérstökum samningi þar um við ráðuneytið.

Hlutverk hönnunarsjóðs er að efla þekkingu og atvinnu- og verðmætasköpun á sviði hönnunar og arkitektúrs með fjárhagslegum stuðningi og ráðgjöf. Sjóðurinn styrkir jafnframt kynningar- og markaðsstarf erlendis, sem stuðlar að auknum útflutningi íslenskrar hönnunar. Stjórn hönnunarsjóðs metur styrkhæfi umsókna og ákveður afgreiðslu þeirra.

Sjóðurinn starfar eftir reglum um hönnunarsjóð frá 13. febrúar 2013.